Gin-agda ni Senate Minority Leader Alan Peter Cayetano ang publiko nga pamatian ang ikalima nga State of the Nation Address (SONA) ni President Ferdinand Marcos Jr. kag tun-an ang mensahe sini base sa kaundan.
Ginpahayag ni Cayetano nga importante nga mabatian sang tanan ang mensahe sang presidente agud mahibaluan ang matuod-tuod nga kondisyon sang pungsod kag ang mga plano sang administrasyon.
Ginpahayag man sini nga mas importante nga usisaon ang kaundan sang speech sangsa kun sin-o ang mensahero.
Suno pa sa senador, kabahin sang pagpalangga sa pungsod ang mangin bukas sa kamatuoran, kag may bastante nga ihibalo sa mga importante nga mga isyu kag topiko nga ginapangatubang sang Pilipinas gani suno diri, nagakadapat nga mangin maid-id sa pagpamati sa mga ginasambit nga programa kag direksyon sang gobyerno.
