Ginhatagan sang labor advocate sang 6 out of 10 ang performance ni President Ferdinand Marcos Jr matapos ang ginpatigayon nga 5th State of the Nation Address sini kahapon.
Sa interview sang Bombo Radyo Bacolod kay Wennie Sancho, Secretary General sang General Alliance of Workers Association (GAWA), kun pamatian ang SONA sang presidente daw katahum bangud madamo sang accomplishment reports apang dapat pa lantawon kun nagaexister.
Suno kay Sancho indi kinahanglan sang mga pumuluyo sang tinaga kundi hinimuan.
Suno diri sa mga ginpanghambal sa SONA indi man mabatyagan ini sang mga pumuluyo.
Ginpahayag man sini nga wala gid mahinambit sa SONA ang mga plano ukon may kaangtanan sa mga mamumugon.
Apang suno diri ang pinakaimportante lang man ang mapakigbatuan ang issue sa korapsyon nga ugat sang mga problema nga ginapangatubang sang mga pumuluyo.
Ang SONA sang presidente ang naglawig sang isa ka oras kag 26 minutos kun sa diin nakakuha sang kapin 91 rounds sang pagpamalakpak.
Gintalakay sini ang flood control anomaly, education, energy kag ang pagpanindugan sa paggamit sang legal nga pamaagi sa conflict sa West Philippine Sea.
