Ginsabat ni Department of Information and Communications Technology (DICT) Secretary Henry Aguda ang mga concerns nahanungod sa posible nga epekto sa palibot sang US-led Pax Silica initiative sa pungsod Pilipinas.
Ginpaathag sang tiglikom nga ang mga modern data center nagagamit sang water-efficient cooling technologies kaangay sang water recycling kag desalination, gani ang tubig nga ginagamit sa pagpabugnaw sang mga makina ang wala nagaka-usik bangud ginagamit sa gihapon ini liwat.
Dugang pa ni Aguda, may mga data center nga may kaugalingon nga desalination facilities nga naga-convert sang saltwater sa fresh water, kag mahimo pa ini nga makahatag sang tubig sa mga katupad nga komunidad.
Santo sa mga report, may mga AI facility sa iban nga pungsod nga nagakonsumo sang tubtob 5 million gallons ukon 18.9 million liters sang tubig para sa cooling kag iban pa nga operasyon.
Bangud sini, madamo ang nagakahangawa sa posible nga epekto sini sa local water resources.
Apang paathag ni Aguda nga ang napilian nga lokasyon sang Pax Silica sa Tarlac ang may access sa mga river systems nga makasuporta sa water recycling technologies, samtang ang mga baybayon nga lugar mahimo man gamiton para sa desalination.
Nahibaluan nga sang nakaligad nga Abril 2026, opisyal nga nag-intra ang Pilipinas sa Pax Silica gani nangin kabahin ang pungsod sa 24 ka mga nagpirma sang kasugtanan lakip na ang European Union, Japan, Singapore, South Korea kag United Kingdom.
