Natalana nga makighinun-anon ang mga opisyal sang Pilipinas sa mga executive sang online gaming platform nga Roblox sa Singapore subong nga adlaw, Huwebes agud talakayon ang mga tikang para maproteksyunan ang mga Pilipino nga mga kabataan batok sa bayolente nga mga aktibidad sa nasambit nga platform, santo sa Department of Information and Communications Technology (DICT) kahapon.
Suno kay DICT Secretary Henry Aguda, kalakip sa Philippine delegation ang mga tiglawas naggikan sa National Bureau of Investigation (NBI), House of Representatives kag Senado, magluwas sa iban pa.
Suno kay Aguda, pagadikusyunan ang duha ka tikang nga wala pa lubos nga na-implementa sang Roblox.
Lakip diri ang pag-link sang user verification system sa Philippine national digital ID kag ang pagtukod sang opisina sa Pilipinas.
Ginpahayag sang DICT chief nga natuman na sang Roblox ang tatlo sa lima ka demands sang DICT, partikular ang default parental controls, pagmonitor sang chat, kag classification sang mga hampang base sa age group.
Ang pagsinapol ang kasunod sang mga panawagan para sa mas istrikto nga regulasyon sa Roblox matapos ang insidente sang pagpangluthang sa Ateneo de Zamboanga University.
Madumduman nga nagpabutyag sang suporta si Interior and Local Government Secretary Jonvic Remulla sa pagpatuman sang total ban sa Roblox, kag ginsiling nga ang ini nga platform lamang ang may link sa dark web.
