Isa ka maragtason nga comeback victory para kay Filipina tennis star Alex Eala matapos ginlutos ang top seed nga si Jessica Pegula, 4-6, 6-4, 6-0, sa finals sang 2026 Mubadala DC Open subong nga adlaw, Martes (oras sa Pilipinas).
Nagpakita sang grabe nga determinasyon si Eala matapos ma-delay sang halos 20 ka oras ang hampang bangud sa malain nga tiempo.
Apisar napaslawan sa una nga set sang hampang, gindominar sini ang ulihi nga duha ka set agud makuha ang kampeonato.
Ini na ang pinakadako kag labing una nga titulo nga nakuha ni Eala sa iya nga career.
Magluwas sa WTA 500 championship, nakarecord man si Eala sang iya ika-siyam nga daug batok sa Top 10 player, kag ikapito sini nga tuig, matapos ginlutos ang world No. 4 kag hometown favorite nga si Pegula.
