Subong nga Huwebes, naglandfall na ang Tropical Storm MAYMAY sa bahin sang Masingal, Ilocos Sur kag padayon nga nagahulag padulong sa Northern Luzon.
Ang sentro sang bagyo ang ulihi nasiplatan sa San Juan, Ilocos Sur nga may kabaskugon nga nagadangat sa 65 km/h kag pagmadlos nga tubtob 110 km/h.
Ini ang padayon nga nagahulag sa eastward nga direksyon sa kadasigun nga 10 km/h.
Si Maymay ang magalabay sa nabukid nga bahin sang Northern kag Central Luzon antes maglapos sa nasidlangan nga kadagatan sang Isabela ukon Cagayan.
Santo sa forecast, ang bagyo ang padayon nga nagahuyang samtang yara sa kadutaan.
Lauman nga ini ang magahina pa gid sa tropical depression sini nga aga kag mangin remnant low pressure area na lamang karon sa hapon ukon sa gab-i.
Nakapaidalom gihapon sa Tropical Cyclone Wind Signal no. 2 ang pila ka mga lugar sa Luzon partikular na sa Ilocos Norte, northern kag central portions sang Ilocos Sur, western portion sang Apayao, Abra, western portion sang Kalinga, kag western portion sang Mountain Province.
Samtang, Tropical Cyclone Wind Signal no. 1 naman sa mga nabilin nga bahin sang Ilocos Sur, Apayao, Kalinga, kag Mountain Province.
Signal no. 1 man sa La Union, northern portion sang Pangasinan, Ifugao, Benguet, southern portion sang Babuyan Islands, Cagayan, Isabela, Quirino, Nueva Vizcaya, kasubong man sa northern kag central portions sang Aurora.
Lauman ang mabulubagyuhon nga panahon sa Ilocos Norte, Ilocos Sur, Mountain Province, Abra, Kalinga, kag Apayao dala sang Tropical Cyclone Maymay, samtang maeksperyensyahan naman ang pagbubo sang ulan kag may pagmadlos sang hangin sa La Union, Benguet, Ifugao, Cagayan, Isabela, Nueva Vizcaya, Quirino, kag Aurora tuga gihapon sang bagyo kag may posibilidad sang pagbaha ukon landslide sa mga nasambit nga lugar.
Lauman naman ang tumalagsahon nga mga pag-ulan sa Metro Manila, Rizal, Cavite, Batangas, Laguna, kag Occidental Mindoro dala sang hanging habagat.
Samtang, sa nabilin nga bahin sang Central Luzon kag Pangasinan, maeksperyensyahan ang lapta-lapta nga mga pag-ulan dala sang bagyo.
Lauman man ang lapta-lapta nga pag-ulan sa nabilin nga bahin sang MIMAROPA, Quezon, kag Antique tuga sang habagat.
Sa nabilin naman nga bahin sang pungsod, maeksperyensyahan ang pugtak-pugtak nga mga pag-ulan dala sang localized thunderstorms.
Padayon man ang pagmonitor sang tropical cyclone sa gwa sang Philippine Area of Responsibility.
Ang Typhoon Dolphin ang yara sa 1,450 km east northeast sang extreme northern Luzon.
Ang hangin nga dala sini ang may kabaskugon nga 150 km/h kag may pagmadlos nga nagadangat sa 185 km/h.
Nagahulag ini sa west northwestward nga direksyon sa kadasigun nga 20 km/h.
