Luyag sang pila ka mga residente sa ciudad sang Bacolod kag probinsya sang Negros Occidental nga madayon gid ang pagpatigayon sang 2026 Barangay and Sangguniang Kabataan Elections sa Nobyembre 2.
Sa interview sang Bombo Radyo Bacolod kay Regie nga residente sang Barangay Bata, Bacolod City, dapat nga madayon gid ang piniliay agud nga may bag-o naman nga Barangay Officials kag lain naman ang magapungko nga Punong Barangay agud mahibaluan naman ang pagpalakat sa Barangay.
Suno kay Regie, nakadepende man sa performance sang mga Barangay Officials ilabi na ang Punong Barangay kun mapabilin ini sa pwesto.
Suno diri kun maayo ang performance magapadayon lamang ini.
Samtang, suno naman kay Kaloy sang Sagay City, dapat madayon gid ang 2026 Barangay and Sangguniang Kabataan Elections sa November 2 agud nga mahatagan man ang iban nga makaserbisyo sa Barangay.
Sa interview sang Bombo Radyo Bacolod kay Kaloy, mas maayo nga madayon ang Barangay kag Sangguniang Kabataan Elections subong nga tuig para bag-o naman ang mga opisyales nga magaserbe sa tagsa ka Barangay.
Dugang pa sini, ang sa karun nga nagapungko nga Punong Barangay ang nakita na ang performance gani mas maayo nga maislan bangud mahimo nga may yara sang mas maayo pa diri.
