16 na ang mga murder cases nga nafile sang Negros Occidental Police Provincial Office batok sa rebelde nga New People’s Army angot sa mga pagpamatay subong nga tuig.
Sa interview sang Bombo Radyo Bacolod kay NOCPPO Spokesperson Police Major Elmer Bonilla, sa bilog nga 2025, anom lamang ka murder cases ang ila nga nafile batok sa NPA members.
Sa kooperasyon sa allied agencies kaangay sang Philippine Army kag pamilya sang mga biktima sa pagpamatay sa probinsya, nagdasig ang filing sang kaso subong nga 2026.
Gani apisar nga katunga pa lamang sang tuig, nagdangat na sa 16 ang mga nafile nga murder cases.
Kalabanan diri amo ang pagpamatay nga gin-ako mismo sang makawala nga grupo.
Suno kay Catalogo, may ara naman sang identity ang mga akusado, kag sa karun nagahulat na lamang sila nga may mapagwa na nga warrant of arrest.
Pasalig sini nga ang target gid sang imbestigasyon sang kapulisan, nga ini ang matapos nga nasanto sa layi, kag malab-ot ang mga naghimo sang krimen.
