Gin-reject sang Israel ang 15-point Gaza deal ni US President Donald Trump, samtang nagapadayon ang nagalala nga tensyon sa Middle East.
Gin-athag ni Israeli Prime Minister Benjamin Netanyahu nga indi magpatigayon sang military withdrawal ang Israel sa Gaza samtang indi ma-disarmahan ang Hamas.
Apang, ginpahayag sini nga nagapadayon ang pagsinapol sang Israel sa Estados Unidos natuhoy sa mga plano para sa Gaza.
Samtang, ginpahayag naman sang Hamas nga naga-ugyon sila sa “roadmap” ukon plano para sa Gaza apang nagalaum sila nga magabulig ang mga mediator kag Estados Unidos agud masiguro nga mapatuman ang plano.
Magluwas sa Gaza, ginakabalak-an naman ang mga shipping routes matapos gin-istoryahan sang Iran kag Oman ang pagdumala sa Strait of Hormuz.
Gin-propose man sang Iran nga dumilihan ang mga barko nga konektado sa mga pungsod nga kaalyado sang Estados Unidos kag Israel.
Sa yemen naman, liwat nga nagpang-atake ang Iran-backed Houthi rebels sa isa ka port nga kontrolado sang gobyerno sa Red Sea coast.
Ginpahayag man sang grupo nga gintarget sini ang isa ka oil facility sa Saudi Arabia.
