May natabo nga pagbaisay sa tunga nanday Defense Counsel Atty Lindon Bacquel kag House private prosecutor Atty. Amando Ligutan angot sa importansya sang posisyon ni hostile witness former OVP Special Disbursing Officer Gina Acosta sa Davao City sa impeachment trial batok kay Vice President Sara Duterte.
Panindugan ni Bacquel nga wala dapat gina-ulamid sa trial ang confidential funds sa Davao City bangod ini ang wala nalakip sa mga alegasyon sa Articles of Impeachment.
Samtang, wala naman nagkumpormi si Ligutan kag gintindugan nga importante ang experience ni Acosta bilang SDO sa Davao City halin sang 2019 tubtob 2022.
Suno kay Ligutan, ang experience ni Acosta sa Davao City ang rasun kun ngaa siya ang gindala ni Vice President Sara Duterte sa Office of the Vice President agud himuon ang mga kaangay nga buluhaton, apang gamit naman ang pondo sang OVP.
