Klase sang duha ka eskwelahan sa Bais City, Negros Oriental, ginsuspender kahapon bangod sa pagpamahog

Ginsuspende sang duha ka eskwelahan sa Bais City, Negros Oriental ang ila klase matapos makabaton sang magkatuhay nga pagpamahog.

Lakip sa mga eskwelahan nga nagpatuman sang suspensyon amo ang Negros Oriental State University ukon NORSU-Bais Campus, kag Bais National High School.

Gilayon naman nga nagpatigayon sang imbestigasyon ang mga otoridad agod matumod ang ginhalinan sang mga pagpamahog.

Padayon man nga ginamonitor sang mga otoridad ang sitwasyon sa duha ka eskwelahan samtang napadayon ang imbestigasyon.

Suno sa mga ini, prayoridad nila ang seguridad kag kaluwasan sang mga estudyante, manunudlo, kag mga staff samtang ginahimo ang imbestigasyon sa insidente.