Gin-aresto ang 25-anyos nga lalaki nga nagatrabaho bilang financial analyst sa Florida matapos matukiban sang mga otoridad ang iya mensahe sa Chatgpt.
Si Darren Zhou ang bag-o lang ginbulagan sang iya six-month relationship kag indi niya ini mabaton.
Ginapilit sini ang iya karelasyon nga makigbalik sa iya.
Didto na nagsugod si Zhuo nga magmessage sa ChatGPT kag mas nagdalom ang ila nga conversations.
Naga-chat siya nahanungod sa sexual assault, suicide kag naghambal nga kun indi para sa iya ang iya karelasyon, wala na sang bisan sin-o nga maka-angkon sini.
Wala nakahibalo si Zhou nga ang OpenAI ang may team nga naga-review sang mga kaangay nga conversations kun ini ang makadetect sang mga matuod nga risgo kag pagpamahog sa iban nga tawo.
Suno sa agent nga naga–analyzed sa data nga indi lamang ini isa ka pagpaggwa sang kaakig kag makita diri ang tuyo nga pagplano.
Sang Mayo, nalab-ot sa Palm Beach County Sheriff’s Office ang mga mensahe nga nagresulta sang iya pagkaaresto.
