Nagtalana ang Department of Budget and Management (DBM) sang P27.410 billion para sa medical assistance sa indigent kag financially incapacitated Filipinos sa bug-os nga pungsod.
Santo sa DBM, pagagamiton ang pondo para sa padayon nga implementasyon sang Medical Assistance to Indigent and Financially Incapacitated Patients (MAIFIP) Program sang Department of Health (DOH), nga nagabulig sa mga pasyente nga wala sang ikasarang nga magbayad para sa treatment kag iban pa nga medical services.
Sakop sang assistance ang hospitalization, bulong, emergency treatment, professional fees kag iban pa.
Ang pinakadako nga bahin sang pondo ukon ang P19.145 billion ang gintalana sa Centers for Health Development (CHDs), pribado nga mga institusyon, kag iban pa nga health facilities sa pungsod.
Samtang, P4.353 billion ang para sa DOH hospitals sa Metro Manila kag mga rehiyon, P2.910 billion sa GOCC Specialty Hospitals, P950 million sa University of the Philippines-Philippine General Hospital (UP-PGH), kag P52 million sa Drug Abuse Treatment and Rehabilitation Centers.
Kabahin man sa pondo ang pagpatuman sang eMAIFIP paagi sa eGovPH superapp, santo sa DOH guidelines kag Presidential Directive No. PBBM-2026-1881-1886.
