Igapresenta sang House prosecution team ang mga opisyal sang Philippine Statistics Authority (PSA) sa impeachment trial batok kay Vice President Sara Duterte, suno kay House Prosecutor Terry Ridon.
Ini agud pamatud-an ang alegasyon nga “fictitious” ukon himo-himo lamang ang mga indibidwal nga ginhatagan sang confidential funds sang Office of the Vice President (OVP).
Suno sa mamalidha, ginlakip ang mga opisyal sang PSA bilang mga testigo sa alegasyon sang misused of confidential funds bangud sila ang nagbuyagyag sa ginpatigayon nga house inquiry, nga wala sa ila registry ang mga pangalan nga nakabaton sang nasambit nga pondo.
Santo sa record sang PSA, ang mga pangalan sa acknowledgement receipts kaangay sang Mary Grace Piattos, Milky Secuya, kag iban pa ang wala nabun-ag, wala ginkasal, kag wala death certification diri sa Pilipinas.
Nagpahayag man sang nakaligad ang kampo sang bise presidente nga handa sila magpaathag kun nga naggamit sang mga “alias” para sa confidential funds.
