Ginpahayag ni Senate impeachment court spokesperson Atty. Regie Tongol nga wala sang basehan ang alegasyon ni former senator Antonio “Sonny” Trillanes sa diin nagpahayag nga indi ini welcome sa Senate impeachment court.
Suno diri, wala sang amo nga sentimyento ang mga senator judges kay Trillanes kag ginpahayag nga nakasulod man ini sang Martes kag ginpapungko sa gallery nga ginadesignar para sa mga importante nga mga personalidad.
Isa si Trillanes sa mga ginhingadlan bilang testigo sang prosekusyon sa impeachment trial ni Vice President Sara Duterte apang ang korte ang wala nag-isyu sang subpoena para sa iya.
Gin-athag ni Tongol sang Lunes nga natalana nga ipa-subpoena ang anay senador apang wala siya ginmensyonar ni House prosecutor Terry Ridon sang ginpamangkot ang prosecution kun sin-o ang ipa-subpoena.
Sa pihak sini, ginpahayag ni Tongol nga may kinamatarong si Trillanes nga ipahayag ang iya mga kritisismo kag nabatyagan sa impeachment court.
