Nagpahayag si former OVP special disbursing officer Gina Acosta nga wala siya sang ideya kun ngaa siya ang ginpili ni Vice President Sara Duterte bilang Special Disbursing Officer para sa Confidential Funds.
Ini matapos nga ginpamangkot sa iya ni House Private prosecutor Atty. Amando Virgil Ligutan kun required nga may-ara sang common sense bilang isa ka SDO sang Office of the Vice President.
Sabat naman ni Acosta nga siya ang may common sense.
Samtang sa pamangkot ni Senator-judge Raffy Tulfo kun ginakabig ni Acosta nga siya ang ‘smart, average, ukon stupid,’ nagsabat si Acosta nag siya ang yara lamang sa average.
Ang pamangkot ang angot sa mga acknowledgement receipts nga ginpresentar sa ika-17 nga adlaw sang Impeachment Trial batok kay Vice President Sara Duterte, ilabi na sa alegasyon nga wala ginkwestyon ni Acosta ang mga pangalan kag pirma nga yara sa dokumento.
Samtang ginkwestyon man ni Tulfo kun ngaa nagpirma si former OVP special disbursing officer Gina Acosta sa mga dokumento nga may kaangtanan sa pila ka informant nga wala anay ginclarify.
Suno kay Tulfo, ‘estupido’ ang desisyon ni Acosta bangod ini ang nangin bulag sa ngalan sang mga tawo nga yara sa mataas nga pwesto.
Ang pahayag ni Tulfo ang angot sa iya pagkwestyon sa responsibilidad sini bilang opisyal sa pagproseso kag pagpirma sang mga dokumento nga may kaangtanan sa mga alegasyon sa OVP.
