Gin-aprubahan sang Senate panel kahapon ang mga ginpropose nga hagna nga may katuyuan nga i-suspender ang Barangay at Sangguniang Kabataan Elections (BSKE) sa 2026 kag himuon nga lima ka tuig ang termino sang mga barangay kag SK officials.
Sa idalom sang Senate Bill No. 2387, luyag ni Senator Francis ”Chiz” Escudero nga amyendahan ang Republic Act No. 12232 kag himuon nga lima ka tuig halin sa apat ka tuig, ang termino sang mga barangay kag SK officials.
Samtang, ginaduso naman ni Senator Imee Marcos ang Senate Bill No. 2067, nga may katuyuan nga isaylo ang BSKE sa Oktubre 2027.
Natalana kuntani nga patigayunon ang eleksyon sa Nobyembre 2, 2026.
Nagpanawagan naman si Commission on Elections (Comelec) Chairperson George Garcia nga dapat may yara na sang maathag nga desisyon kun madayon ukon ma-kansela ang BSKE, antes matapos ang bulan sang Setyembre kag antes ang pag-umpisa sang filing of candidacies.
