Gin-usisa sang House Committee on Appropriations ang proposed budget nga P332.50 billion sang Department of the Interior and Local Government (DILG) para sa 2027.
Katuyuan sang DILG sa amo nga pondo nga mapasanyog pa ang pagbato sa krimen, mapabaskog pa ang seguridad sang publiko, kag pagresponde sa mga kinagamo.
Suno kay Camarines Sur Rep. Arnie Fuentebella, ang kahilwayan kag kalinong ang pundasyon sang pag-uswag sang ekonomiya.
Ginpadayaw man sini ang lima tubtob pito ka minutos nga kadasigun sang response time sang mga otoridad kag ang 30.15 percent nga pagnubo sang cybercrime sa Pilipinas sa bulig sang Philippine National Police (PNP).
Ginpahayag naman ni DILG Secretary Jonvic Remulla nga pagagamiton ang budget para sa makabag-o nga teknolohiya sang PNP agud mas madasig ang pagtumod sang mga krimen partikular ang school violence threats nga nagalapta sa internet.
Ang proposed budget para sa 2027 ang mas mataas sang 7.10 percent kun ikumpara sa 2026, sa diin 95 percent diri ang gin-alokar sa operasyon sang PNP, Bureau of Fire Protection (BFP), kag Bureau of Jail Management and Penology (BJMP).
