Nagaplano ang Municipal Government sang Manapla nga maghatag sang alternatibo nga bulig para sa madamo nga mga residente nga nagasalig sa industriya sang blue swimming crab.
Suno sa pahayag ni Manapla Municipal Mayor Mika Escalante, isa sa mga plano sang lokal nga panguluhan amo ang pagbakal sang tanan nga blue swimming crab nga maani ukon makuha sang mga mananagat sa banwa.
Ang kasag ang ipaidalom sa proseso agud nga makahimo sang panibag-o nga produkto.
Apang wala anay ginpahayag ni Mayor Escalante kun ano ang eksakto nga produkto nga ila pagahimuon.
Suno sa alkalde, ila ini ipahibalo lamang kun handa na kag opisyal na nga ilunsyar sa publiko.
Samtang, ginpahayag man sang alkalde nga hugot nga ginapatuman sang Municipal Government ang mga pagsulundan sa pagkuha sang blue swimming crab.
Pahanumdom ni Escalante baklon sang banwa ang ginabaligya nga kasag apang dapat nga magsunod sa pagsulundan kaangay sang wala bukaka, well develop ang kasag kag magabutang sila sang price cap agud nga mabuligan ang crab sellers.
