Bacolod Police Station 6, ginatun-an na ang mga tikang agud matapna ang mga pagpamahog sa mga eskwelahan kasunod sang panibag-o nga school threat

Padayon pa nga nagadiskusyon ang mga kapulisan agud masolusyunan ang nagahimo sang pagpamahog sa mga eskwelahan.

Ini kasunod sang ginapahayag nabaton nga pamahog sang isa ka unibersidad sa ciudad sang Bacolod nga sakop sa area of responsibility sang Bacolod Police Station 6.

Sa interview sang Bombo Radyo Bacolod kay Police Major Peter John Ramos, station commander sang Bacolod Police Station 6, wala pa naglab-ot sa iya ang ginapahayag threat sa nasambit nga eskwelahan apang nagaestoryahanay na sila kung paano ini masolusyunan ang problema sa nagapalapta sang mga pamahog ilabi na sa mga eskwelahan.

Nagpanugyan si Ramos sa publiko nga likawan nalang ini bangud nagahatag lamang sang inconvenience sa publiko.