Wala ginasapak sang Philippine National Police (PNP) ang mga pagpakamalaot sa ila nga nabaton sa paglagas kay Senator Ronald ‘Bato’ Dela Rosa nga may warrant of arrest halin sa International Criminal Court (ICC).
Suno kay Philippine National Police (PNP) chief Gen. Jose Melencio Nartatez Jr, nakahibalo ini sang ginahimo sang mga kapulisan ang mga trabaho kag tanan nga masarangan agud dalayon nga maaresto ang Senador.
May pila ka mga operational secrets naman sila nga dapat indi mahibaluan sang publiko agud nga indi mabulilyaso ang ila nga operasyon.
Nagapati man ang PNP chief nga may yara sang grupo nga nagatago sa Senador apang nagpamalibad ini nga ihinambit kun sin-o ang mga ini.
Madumduman sang Oktubre 30 natapos na ang ultimatum nga ginhatag PNP sa Senador apang nagalaom sagihapon ang mga ini nga boluntaryo ini nga magsungka agud nga malikawan ang anuman nga maduguon nga engkwentro.
