Ginpahayag ni Negros Occidental Governor Eugenio Jose “Bong” Lacson nga wala siya sang handum nga mangin isa ka political kingmaker sang ini ang ginpamangkot kun handa bala ini magpatunga sa duha ka ginalantaw nga posible nga kandidato sa pagka-gobernador sa 2028 elections.
Suno kay Governor Lacson, wala ini sang handum nga mangin kingmaker sa politika bangud ang ini nga position ang nagakinahanglan sang pondo.
Ini ang sabat sang gobernador sang ginpamangkot nahanungod sa posibilidad nga magpatunga ini kanday 2nd District Congressman Alfredo “Thirdy” Marañon III kag 3rd District Congressman Javier “Javi” Benitez.
Ang mga ngalan nanday Marañon kag Benitez padayon nga nagagwa bilang mga posible nga mangin kandidato sa bilang gobernador sang Negros Occidental sa 2028.
Suno sa gobernador ginalauman magestoryahanay ang duha kag makahimo sangconsensus para sa kun sin-o ang magapadalagan sa gubernatorial race sa 2028.
