Natalana nga mag-atubang sa korte si former House Speaker Ferdinand Martin Romualdez agud sabton ang mga alegasyon batok sa iya.
Ini ang ginpasiguro sang iya nga abogado nga si Atty. Ade Fajardo.
Ginpahayag sang abogado nga ginarespeto ni Romualdez ang korte kag ang legal nga proseso.
Suno kay Fajardo, importante nga magpangibabaw ang judicial process sa pihak sang interes sang publiko sa kaso.
Suno diri, ang salabton sa krimen ang dapat matumod base sa mga ebidensya nga ipresenta sa korte.
Ginklaro man ni Fajardo nga wala nagapangayo sang special treatment si Romualdez sa pag-atubang sang kaso.
Sa baylo, hingyo lamang sang mamalidha ang due process nga ginagarantiya sa tagsa ka Pilipino.
Madumduman nga naserbe na ang warrant of arrest batok sa kongresista samtang ini ang naka-confine sa Cardinal Santos Medical Center kahapon, Setyembre 8.
