Ginpatawan sang silot nga kamatayon ukon death in absentia ang pito ka aides ni former Bangladesh Prime Minister Sheikh Hasina sa kaso may kaangtanan sa crimes against humanity, kalakip ang murder, kasubong man ang ‘instigating and provoking killings.’
Gin-isyu sang tribunal sa Dhaka ang mga sentensya kahapon.
Kalakip sa mga na-convict sanday former state minister for information and broadcasting, Mohammad Ali Arafat, kag General-Secretary sang Awami League party nga si Obaidul Quader.
Ginabug-usan sang 68 ka mga indibidwal ang na-convict na samtang 22 kabilog ang ginsentensyahan sang kamatayon.
Ang anay Prime Minister nga si Hasina, 78-anyos, ang ginkakas sa pwesto kag ginpatawan sang kamatayon ukon ‘death by hanging’ sang nakaligad nga Nobyembre sa kaso nga crimes against humanity nga nagresulta sa pagbiya sini sa pungsod nga iya gindumalahan sang masobra 15 ka tuig.
Madumduman nga masobra 1,400 ka mga tawo ang napatay kag linibo ang pilason sa ginpatigayon nga rebolusyon sang mga pumuluyo sa Bangladesh batok sa administrasyon sang anay Prime Minister, santo sa United Nations.
Humalin sang nagbiya si Hasina sa pungsod, nagtinir ini sa India apang nagpahayag nga magabalik ini sa Disyembre 2026.
