Hugot nga gintindugan ni retired Supreme Court Associate Justice Adolf Azcuna nga kabahin sang constitutional design ang mataas nga requirement nga two-thirds sang tanan nga miyembro sang Senado para sa conviction sa impeachment trial.
Suno kay Azcuna, gindisenyo ang proseso agud mangin hugot kag indi basta-basta ang pagdesisyon sang conviction batok sa isa ka impeachable officer.
Ginhalimbawa man niya ang impeachment process sa iban nga pungsod, sa Indonesia, kinahanglan ang two-thirds sang mga miyembro nga present, para makaangkon sang quorum kag para ma-convict ang isa ka impeachable officer.
Samtang ang South Korea naman ang kaangay sa Pilipinas nga two-thirds sang tanan nga miyembro ang kinahanglan para ma-convict ang isa ka impeachable officer.
