Natalana nga mag-file sang diplomatic protest ang Department of Foreign Affairs batok sa China angot sa pagpalupok sang flares sang People’s Liberation Army sang China sa isa ka unarmed Philippine Coast Guard aircraft nga nagapatigayon sang maritime domain awareness flight sa Kalayaan Island group.
Suno kay Misamis Occidental 2nd District Representative Sancho Fernando Oaminal, ginahulat pa sang DFA ang detalyado nga incident report antes pormal nga i-file ang protesta.
Nagpanawagan naman si Philreca party-list representative Presley de Jesus sa DFA nga mag-file man sang diplomatic protest angot sa note nga ginduhol kay Defense Secretary Gilberto Teodoro Jr. sang yara ang tiglikom sa Seoul defense dialogue sa South Korea.
Ang note nagaunod sang pagpamatok sang China sa West Philippine Sea arbitral award.
Ginpahayag ni Oaminal nga mas maayo nga i-resolba ang magkatuhay nga posisyon paagi sa gintukod nga diplomatic channels kag santo sa courtesy kag professionalism sa international engagements.
Ginpahayag sang DFA nga ginarespeto sini ang mga pahayag ni Teodoro kag padayon nga ginasabat ang mga nasambit nga insidente paagi sa diplomasya.
