Respetuhon sang prosecution team ang anuman nga mangin desisyon sang Senate impeachment court nahanungod sa voting threshold nga kinahanglan agud ma-convict ukon ma-acquit si Vice President Sara Duterte sa iya nga impeachment trial.
Sa pahayag ni Akbayan Party-list Representative Chel Diokno kahapon, nagasalig sila nga yara sa Senado ang pinal nga desisyon bilang impeachment court.
Suno sa mamalidha, wala naga-focus ang prosekusyon sa numero sang boto para sa conviction, sa baylo, mas nagatutok sila sa pagpresenta sang mga mabaskog nga ebidensya batok sa bise presidente.
Natalana nga patigayunon ang oral arguments sang prosecution kag defense team sa Miyerkules, Setyembre 23, angot sa 16-vote threshold.
Sa bahin naman ni Senator JV Ejercito, nagapangabay ini nga mahatagan pa sang supisyente nga tion ang mga senator-judges nga tun-an ang mga argumento kag mga opinyon nga ginpresenta sang mga former chief justices.
Nagapabilin nga priso si Senator Jinggoy Estrada kag Rodante Marcoleta sa separado nga kaso sang plunder, samtang si Senator Ronald “Bato” dela Rosa ang wala pa gihapon nagapakita sa publiko kasunod sang gin-isyu nga arrest warrant sang International Criminal Court.
Si Senator Loren Legarda ang pila na ka semana nga absent kag yara subong sa luwas sang pungsod bangud sa health concerns.
