Iga-host sang Our Lady of Peace and Good Voyage Parish sang Diocese of Bacolod ang 8th Visayas Mindanao St Padre Pio Prayer Convention sa September 21-22, 2026.
Ang convention ang ginpatigayon sa SMX Convention Center Bacolod.
Kahapon may ginpatigayon nga Caravan kun sa diin ginlibot sa pila ka bahin sang ciudad ang relics ni Padre Pio kag isa na diri ang Bacolod City Government Center.
Sa Setyembre 23 may yara sang tatlo ka misa nga patigayunon.
Sa interview sang Bombo Radyo Bacolod kay Rev. Fr. Raymon V. Asoy, Parish Priest sa Our Lady of Peace and Good Voyage Parish sa Brgy Sincang-Airport, Bacolod City, magapatigayon sang tatlo ka misa ang Our Lady of Peace and Good Voyage Parish sa Miyerkules, September 23, 2026 kadungan sa pagselebrar sa kapiyestahan ni St Padre Pio of Pietrelcina.
Suno kay Asoy, pinasahi ini bangud sa nakaandan sa tion nga mag-fiesta ang Parokya isa lamang ang misa apang sa Miyerkules tatlo.
Ini bangud sa pagdagsa sang mga deboto nga magahalin pa sa nagkalain-lain nga lugar sa Pilipinas.
Suno kay Father Asoy, nagdesisyon ang Parokya nga magpatigayon sang tatlo ka misa agud nga maakumodar ang tanan nga mga deboto.
Ang misa ang patigayunon alas 6:00 ang takna sa aga; Alas 12:00 sa udto kag alas 5:30 ang takna sa hapon.
Samtang ginpakigbahin man sini nga si Padre Pio ang isa ka pari nga antes pa man magkumpisar (confession) ang isa ka tawo nakahibalo na ini sang iya mga sala.
Suno pa kay Father madamo sang healing kag miracles ang ginhatag ni St Padre Pio isa na diri ang iya ginkasal sa Parokya nga ginhambalan sang doctor nga indi makabata apang ginpangamuyuan niya ini kay St Padre Pio kag pagkaligad sang duha ka tuig, nagbusong ang babayi.
