Ginpahayag sang spokesperson sang progresibo nga grupo nga Alyansa Makabayan nga wala sang pagbag-o sa sitwasyon sa karun sang pungsod kun ipaanggid sadto sa sitwasyon sang Martial Law Declaration nga 54 na katuig ang nakaligad.
Kahapon sa 54th anniversary sang nasambit nga deklarasyon, nagpatigayon sang rally-protests ang pila ka mga progresibo nga grupo sa ciudad sang Bacolod.
Sa interview sang Bombo Radyo Bacolod kay Noli Rosales nga ang indi sini malipatan nga hitabo sa deklarasyon sang Martial law kag sa karun nga administrasyon amo nga nagaduging ang Human Rights violation.
Suno pa kay Rosales nga mas naglala ang sitwasyon sa karun bangud madamo sang mga ginapamatay nga lider sang mangunguma, aktibista, abugado kag iban pa.
Panindugan ni Rosales nga wala gid sang pagbag-o sa sitwasyon sadto sa Martial Law kag sa karun.
Suno diri, kapin isa ka libo ang nag-upod sa rally-protests kag wala man nagdugay ang ila programa bangud diutay lang ang ila nga speakers.
