Nagsaka ang tensyon sa tunga sang mga otoridad kag mga raliyista sa ginpatigayon nga hublag-protesta sa Manila kahapon, Setyembre 21 kadungan sang ika-54 nga commemoration sang deklarasyan sang Martial Law.
Apang, wala naman may gin-aresto ang kapulisan sa pagtuman sang maximum-tolerance policy.
Suno kay PNP spokesperson Police Colonel Allen Rae Co sa isa ka press briefing, madasig lang na-kontrol ang sitwasyon matapos ma-restrain ang pila ka mga indibidwal apang gilayon man nga ginbuy-an.
Sa kabug-usan, nangin malinong ang rally situation santo sa PNP.
Suno kay Co, ang mga napaslawan nga magkuha sang permit ang ginpaidalom sa monitoring.
Gintugutan man ang mga organizers nga magpatigayon sang protesta apisar wala sang permit apang sa mga partikular nga designation lamang kaangay sang mga park.
