Ginpangunahan ni Department of Social Welfare and Development (DSWD) Secretary Rex Gatchalian ang national launching sang digital payout sang Unified Package for Livelihoods, Industry, Food and Transport (UPLIFT) sa ciudad sang Bacolod para sa initial batch sang beneficiaries sa highly urbanized city kahapon, September 22, 2026.
Ang cash aid ang na-release paagi sa electronic (e)-wallet GCash para sa una nga 52 gikan sa 2,245 identified Group 2 beneficiaries sa ciudad kag ini ang ginpatigayon sa Bacolod City Government Center main lobby.
Gintambungan ang releasing sang ayuda sa idalom sang nasambit nga programa nanday Bacolod City Mayor Greg Gasataya kag Negros Occidental Fifth District Rep. Emilio Bernardino Yulo.
Sa interview kay Gatchalian, ginpili sang ahensya ang ciudad nga patigayunan sang national launch sang digital pay-out sang UPLIFT bangud madasig ang pag-uswag sang ciudad.
Suno diri may yara sang ginpatigayon nga manual pay-out apang nagapanawagan ini sa mga beneficiaries nga ipa-register na ang ila nga mga e-wallets ukon ATMs bangud didto ipadala ang P2,000 nga cash aid sa idalom sang nasambit nga programa.
Paagi sa digital pay-out mas madali nalang kag mas transparent ang paghatag sang ayuda kag indi na kinahanglan pa nga magpili ang mga beneficiaries.
Ang mga beneficiaries sang UPLIFT ang gintumod paagi sa pamilya nga naka-enroll sa Pantawid Pamilyang Pilipino Program (4Ps) kag Walang Gutom Program; Low-income households nga classified nga poor ukon near poor gamit ang data nagikan sa Philippine Statistics Authority’s Community-Based Monitoring System (CBMS) kag Low-income Filipino workers nga miyembro sang Social Security System (SSS).
Ang mga beneficiaries ay makabaton sang P2000 kada bulan kag ila ini mabaton sa sulod sang anum ka bulan.
