Ginahulat nalang sang National Citizens’ Movement for Free Elections (NAMFREL) ang desisyon sang ila Council kasunod sang ila plano nga pag-file sang petition for certiorari sa Korte Suprema agud kwestyunon ang layi nga nagapalawig sang termino sang mga Barangay kag SK officials.
Sa interview sang Bombo Radyo Bacolod kay NAMFREL Secretary General Eric Alvia, kwestyunon nila sa Korte Suprema ang pagpalawig sang termino bangud ini ang magaresulta sa postponement sang 2026 Barangay and SK Elections.
Suno kay Alvia, sang June 2023 ang Supreme Court ang nagpagwa na sang ruling Korte Suprema sa Macalintal vs. COMELEC, nga indi mahimo nga i-postpone ang BSKE kun indi importante kag kun wala sang krisis ukon pandemic.
Suno kay Alvia, very tricky ang nakabutang sa layi nga term extension apang resulta wala sang matabo nga piniliay sa Nobyembre.
Suno diri dapat gindayon ang election sa Nobyembre antes ginpatuman ang layi agud nga ang mga magapungko nga Barangay kag SK Officials ang magasunod na sang 5 year per term para sa duha ka termino.
Suno diri, ang pinakaimportante diri dapat may yara sang mandato ang mga nagapungko gikan sa mga pumuluyo apang sa natabo nga pag-aprubar sang term extension.
Apang ang natabo, indi na mahambal nga may yara pa ang nagapungko sang mandato bangud naglawig ang ila pagpungko kasunod sang ginpasar nga layi kag indi santo sa ginpili sang mga pumuluyo.
Suno kay Alvia, maayo lang kun ang nagapungko ang maayo magserbisyo sa iya mga constituents paano naman kun ang mga ini ang wala man nagatrabaho kag nagadugang lamang sa kabudlayan sa mga pumuluyo.
