Pormal na nga nanumpa si Associate Justice Rodil Zalameda bilang ika-28 nga Chief Justice sang Korte Suprema sa ginpatigayon nga oath-taking ceremony sa Supreme Court En Banc session hall kahapon, Nobyembre 6.
Ginpangunahan ni Senior Associate Justice Marvic Leonen ang pagpanumpa ni Zalameda matapos ini opisyal nga ginpili ni President Ferdinand Marcos Jr. sa pinakamataas nga posisyon sa hudikatura sang pungsod.
Pagabuslan ni Zalameda si former Chief Justice Alexander Gesmundo nga pormal na nga nagretiro kahapon.
Antes ang bag-o nga katungdanan ni Zalameda, ini ang nagserbe bilang Associate Justice sang Agosto 6, 2019 matapos ini gin-appoint ni anay President Rodrigo Duterte.
Ini man ang nangin Associate Justice sang Court of Appeals sa sulod sang onse ka tuig magluwas sa eksperyensya niya bilang Branch Clerk of Court sa Regional Trial Court sang Makati.
Nag-umpisa ang karera ni Zalameda sa public prosecution sang 1995 tubtob nga napili ini bilang City Prosecutor sang Mandaluyong sang 2002, kasunod sang lima ka tuig nga private legal practice humalin sang 1990 tubtob 1995.
Siya ang graduate sang Bachelor of Laws sa Ateneo de Manila University sang 1987 kag nakapasar sa Bar Examinations sang 1988.
