-- ADVERTISEMENT --
Ginkumpirmar sang Weather Forecaster sa Negros Occidental Operations Center nga sa ila two-day outlook, may dako nga tyansa sang pag-ulan partikular na sa hapon, kadungan sa highlights sang Masskara Festival 2026.
Ini ang tuga sang Intertropical Convergence Zone (ITCZ) kag Localized Thunderstorms, apang suno diri mahinay kag makadali lamang ang maeksperyensyahan nga ulan.
Suno diri, wala man sang ginalauman nga Low Pressure Area nga makaapekto sa pungsod, kag apisar may Bagyo sa gwa sang Philippine Area of Responsibility, ini ang wala man sang epekto sa pungsod.
Panugyan na lamang ni Fierro sa mga magalantaw sa highlights sang Masskara Festival 2026 nga magdala na lamang sang payong, kalo, ukon jacket.
