Ginkilala sang Korte Suprema nga constitutional ang unprogrammed appropriations agud mahatagan sang flexibility ang gobyerno sa paggasto, apang nag-set ini sang hugot nga limitasyon.
Bangud sini, ginkansela sang Supreme Court ang P449.5 billion nga gindugang sa 2024 unprogrammed appropriations pati na ang P17.99 billion nga addition sa 2025 Special Road Fund.
Gin-athag sang Korte nga apisar indi unconstitutional ang tanan nga unprogrammed funds, indi ini dapat gamiton agud malusutan ang mga constitutional restriction sa paggamit sang pondo sang pungsod.
Sa idalom sang operative fact doctrine, nagapabilin nga valid ang mga napatuman na nga proyekto kun gin-implementa nga may ‘good faith’ ang mga benepisyaryo.
Ginhatagan man pagtamod sang Korte Suprema nga ang presidente ang nagahanda sang national budget samtang ang Kongreso naman ang naga-alokar sang pondo sa sulod sang mga gintalana nga limitasyon.
Ginpahayag ni Supreme Court Spokesperson Atty. Camille Ting nga indi pa final and executory ang desisyon bangud may 15 days pa ang mga partido para mag-file sang motion for reconsideration.
