May posibilidad nga magabalik ang small-scale scam hub operations sa Pilipinas kasunod sang pag-aresto kag pag-rescue sang pila ka mga indibidwal sa pila ka mga raids, suno kay Inter-Agency Council Against Trafficking (IACAT) Justice Undersecretary Nicky Ty.
Sang damlag lang, naka-rescue ang mga otoridad sang indi magnubo sa 230 ka mga scam hub workers sa Zamboanga Sibugay.
Suno diri, mas gamay ang kasangkaron sang operasyon subong kun ikumpara sang nakaligad.
Dugang pa sini, kalabanan sa mga na-rescue sang nakaligad amo ang mga Chinese nationals, kalakip man ang Vietnamese, Indonesian, Myanmar, Nepalese, kag African.
Sa karon, ginpahayag sini nga halos Chinese nationals ang mga na-rescue, kag isa sa mga rason amo ang visa-free arrangement para sa mga Chinese.
Padayon naman nga nagakolekta sang impormasyon ang Department of Justice (DOJ).
Natalana naman nga maghatag sang rekomendasyon ang IACAT kag DOJ natuhoy sa visa-free arrangement.
Ang Pilipinas ang nagpabilin sa Tier 1 ranking sa Trafficking in Persons (TIP) Report sang US State Department 2026.
