23 na ang patay bangud sa dengue fever sa probinsya sang Negros Occidental.
Sa Dengue Fever Surveillance Data nga gin-pagwa sang Provincial Health Office humalin January 4 tubtob October 17, nagdangat na sa 4,208 ang kaso sang dengue apang ini ang mas manubo sang 879 ka kaso kun ipaanggid sa 5,105 sang nagligad nga 2025 sa amo man nga period.
Sa record, ang La Carlota ang may pinakadamo nga kaso nga nagdangat sa 728 cases, Silay City nga may 422, Bago City nga may 354 kag lunsay may yara sang tag-duha ka mga nagkalamatay.
Ang San Carlos City may 224 cases, Cauayan may 209, Sagay City may 205, Talisay City may 175, Kabankalan City nga may 160, EB Magalona nga may 130 kun may tag isa man ka napatay.
Sa 23 ka mga nagkalamatay ang Cadiz City ang may 160 ka kaso apang may pinakadamo nga mga napatay nga nagdangat sa lima.
Kalabanan sa natapikan sa nasambit nga balatian amo ang mga bata nga nagaedad sang isa tubtob napulo ka tuig.
