Nagpakita sang pagsuporta kag nakigbahin gid mismo si Negros Occidental Governor Eugenio Jose “Bong” Lacson sa ginpatigayon nga Polio Patak Program sang Rotary District 3850 sa SM City Bacolod.
Ini kabahin sa pag-obserbar sang organisasyon sa World Polio Day.
Si Governor Lacson ang kaupod mismo nga nagpainom sa mga kabataan.
Sa speech sini sa nasambit nga programa, ang aktibidad ang kabahin sa makabig sini madinalag-on nga public-private partnership.
Ginpahanumdom niya ang importansya sang pagpa-immunize batok sa polio.
Dugang pa sini nga ang pagprotekta sa public health ang indi lamang responsibilidad sang gobyerno, kundi kinahanglan man nila ang bulig sang mga organisasyon kaangay sang Rotary, health workers, komunidad, kag mga ginikanan.
Nagalaom si Lacson nga ang World Polio Day ang magaserbe nga pahanumdom sa responsibilidad sang tanan sa pagprotekta sa ikaayo sang mga kabataan.
Panindugan niya nga kun mapaslawan sa pagprotekta sa kabataan, kaangay man nga ginpaslaw ang bilog nga katawhan.
Pasalig ni Lacson ang commitment sang Provincial Government sa padayun nga pagpasanyog sang preventive healthcare upod sa ila mga partners agud maseguro nga protektado ang mga komunidad sa mga balatian nga masarangan nga mabulong kun may temprano nga intervention.
Ginpasalamatan man sini ang Rotary District 3850 sa lihok kag sa padayun nga pagseguro sang ikaayong lawas sang mga kabataan, nga amo ang palaabuton sang pungsod.
