Ginkilala sang Guinness World Records ang isa ka lalaki sa Hungary matapos makatipon sang 2,000 ka nagkalain-lain nga lata sang energy drink naggikan sa nagkalain-lain man nga bahin sang kalibutan.
Nakuha ni Gergo Borbely ang titulo nga “largest collection of energy drink cans” matapos ang halos duha ka dekada nga pagpangolekta nga nasugod sang Agosto 2008.
Suno kay Borbely, nag-umpisa ang iya koleksyon matapos siya magbakal sang bugnaw nga energy drink samtang nagatinir sa isa ka dormitoryo.
Humalin sa una nga 15 ka lata nga iya gintipon, amat-amat ini nga nagdamo sa paglakat sang panahon, kalakip ang mga nabakal niya sa Japan, United States, kag sa pila ka bahin sang Europe.
Kalakip sa mga tumalagsahon sini nga koleksyon ang mga dumaan na nga lata humalin pa sang dekada 1990 kag isa ka lata nga human pa sa anay Yugoslavia, nga suno diri tuman ka espesyal bangud wala na naga-exist ang amo nga pungsod nga ginhalinan sini.
Sa pihak sang Guinness World Records title, wala pa gihapon plano si Borbely nga untaton ang iya pagpangolekta.
