Ginpatigayon na kaina ang blessings para sa mga panibag-o nga salakyan sa nagkalainlain nga departamento kag division sa Bacolod City Government.
Ini ginalakipan sang isa ka filtration truck kag duha ka water trucks para sa Disaster Risk Reduction and Management Office; isa ka Pick-up Manlift para sa electrical division sang City Engineer’s Office; duha ka electric vehicle para sa Bacolod Environment and Natural Resources Office (BENRO); kag isa ka electric vehicle para sa Public Employment Service Office (PESO).
Sa interview sang Bombo Radyo Bacolod kay Mayor Greg Gasataya, ang water trucks ang igadugang sa magamit sang ciudad sa pagdeliver sang mga tubig sa mga Barangay kun kulang ang supply nga madeliver sang water distributor.
Ang water filtration truck ang sarang naman nga ma-augment sa mga lugar nga maigo sang kalamidad kaangay sang mga sunog.
Tubig nga makalabay sa filtration system ang potable water na ukon safe nga mainom.
Ang pickup manlift ang magamit naman sang electrical division sang City Engineers’ Office kun sila ang magaresponder sa suludlon nga mga Barangay.
May ara sang boom truck ang ciudad, apang ini ang indi makasulod sa mga magagmay nga alagyan.
Kinahanglan man sang PESO ang mga e-vehicles para sa ila nga mga aktibidad, kaangay sa mga jon fairs, samtang ang duha ka e-vehicles para sa BENRO ang magamit naman nila sa mga inspection activities.
