Paagi sa creativity, naghatag sang dako nga inspirasyon si David Aguilar sa mga kapareho nga may disability, paagi sa iya ginhimo nga prosthetic arm.
Si David ang ginbun-ag nga may Poland syndrome ukon isa ka congenital nga sakit sa diin wala na nag-develop ang isa sini ka kamot.
Sang ini ang siyam ka tuig pa lamang, ginpamatud-an ni David ang ikasarang sini sa engineering sang makaubra sang kaugaligon nga prosthetic arm nga human sa LEGO bricks nga nakit-an lamang niya sa box sang iya mga hampanganan.
Nagpadayon pa ang hilig ni David kag sa ulihi siya ang ginkilala nga “Hand Solo.”
Kasunod sini, mas nagdalom pa ang dedikasyon ni David kag sa edad nga 26, nag-ubra naman ini sang mga LEGO arms para sa iban, siya ang nagpresenta man sang inspirational nga mensahe sa NASA, nakasulat sang libro, kag nakaubra sang video game kaupod ang iya supportive nga amay.
Samtang, sang 2021 naman sang nahimo ni David ang una nga “functional foot-controlled LEGO prosthetic arm” kag ang “first functional LEGO prosthetic arm with a stylus” para sa walo ka tuig nga si Beknur Zhanibekuly gikan sa Kazakhstan nga ginbun-ag man nga may under developed arms.
Mas nagsanyog pa ang imbensyon ni David kag nangin motorized ang nahuman nga prosthetic arm nga may lima ka tudlo nga sarang sini kontrolon paagi sa paggiho sang iya nga butkon.
