Ginpahayag sang Malacañang nga tuman pa ka timprano ang panawagan ni Senate Minority Leader Alan Peter Cayetano sa mga kapareho nga senador nga i-reject ang posible nga offer nga mangin bise presidente pananglitan ma-convict sa impeachment trial si Vice President Sara Duterte.
Suno kay Palace Press Officer Usec. Claire Castro, wala pa natapos ang trial kag wala pa napresenta sang kampo ni VP Sara ang ila mga ebidensya.
Dugang pa sini, dapat respetuhon ang talatapan sang Bise Presidente kag hulaton nga matapos ang proseso.
Ginpahayag man nga luyag ni president Ferdinand Marcos Jr. nga masunod ang due process antes paga-talakayon ang posible nga pagpili sang bag-o nga bise presidente.
Suno pa diri, indi dapat pagpangunahan ni Cayetano ang mangin desisyon sang presidente ukon diktahan ang mga kaupod nga senador.
Nagpagwa sang pahayag si Cayetano matapos ginsiling ni Senate presiding officer Francis “Chiz” Escudero nga balibaran sini ang posible nga pagpungko bilang bise presidente kun ma-convict si Duterte, bangud siya amo isa ka senator-judge sa impeachment trial nga iya ginapamunuan.
