Liwat nga ipaidalom sa yellow kag red alert ang Visayas grid suno sa abiso nga ginpagwa sang National Grid Corporation of the Philippines subong nga Miyerkules, October 28.
Makaeksperyensya sang red alert ang Visayas grid karun alas 5:00 ang takna sang hapon tubtob sa alas 6:00 ang takna sang gab-i.
Nakaeksperyensya sang yellow alert kaina alas 2:00 ang takna sang hapon tubtob sa alas 5:00 ang takna sang hapon, kag karun alas 6:00 ang takna sang gab-i tubtob alas 8:00 sang gab-i.
Suno sa NGCP may yara sang napulo ka planta sang kuryente ang yara sa forced outage ukon wala nag-andar subong nga bulan sang Oktubre.
Samtang, may iban pa nga mga planta nga madugay na nga wala naga-function.
Isa sa mga rason nga nagakatabo ang red kag yellow alert sang NGCP ang limitado nga power imports nagikan sa Mindanao kag unavailability sang mga dalagko nga coal plants sa Visayas kaangay sang TVI 1, TVI 2, kag KSPC 1.
