Nagdangat na sa masobra P1 billion ang total amount sang napanagtag sa idalom sang fuel subsidy program para sa pampubliko nga salakyan.
Kasunod ini sang mga epekto sang padayon nga tensyon sa Middle East sa World Market sang produktong petrolyo.
Nagdangat sa kapin 109,000 nga mga pampubliko nga salakyan ang nakabenepisyo kag madinalag-on nga naka-avail sang nasambit nga bulig pinansyal agud nga mabuhinan ang palas-anon bangud sa mataas nga presyo sang produktong petrolyo.
Nangin madinalag-on ang pagpanagtag bangud sa pagbinulugay sang kapin 4000 nga gasolinahan sa bug-os nga pungsod nga nagserbe nga palaagyan agud nga mas madasig kag maayo nga pag-claim sang subsidy.
Ginsiguro naman sang gobyerno nga magapadayon ang programa sa mga
masunod nga bulan agud nga padayon nga masuportahan ang sektor sang
transportasyon sa tunga sang mga pagbag-o sa presyo sang produktong petrolyo.
