Strikto nga ipatuman sang City Government of Bacolod ang “No permit, No Vending” sa tion sang Tigkalalag.
Kahapon, napanagtag na ang special permit para sa mga 222 ka mga vendors nga magabaligya sang bulak, kandila, kag kakanin sa mga designated areas para sa UNDAS 2026.
Suno kay Bacolod City Adminsitrator Atty Mark Steven Mayo, gina-ubra sang ciudad ang “best effort” agud ipatuman ang ‘No permit, No Vending’ policy.
Ini bangud suno kay Atty Mayo, unfair para sa mga nagakuha sang special permit, mga nagacomply sang requirements kun ang iban nga vendors ang nagapwesto lang bisan diin apisar nga wala sang permit.
Paandam naman sini sa mga vendors nga wala nagkuha sang permit nga lauman nga sila ang pahalinon gid sa area.
Pahayag sini nga may gintukod na ang ciudad sang team nga nagalibot kag mga nagamonitor sa mga vending areas nga nag-umpisa na kahapon Oktubre 29 tubtob Nobyembre 2 halin alas-6:00 sang aga tubtob alas-8:00 sang gab-i.
