Arestado ang 45-anyos nga lalaki matapos maaktohan nga nagapangawat sang electric wire sa Our Lady of Guadalupe Catholic Church sa Purok Dapdap, Barangay Poblacion, Valladolid, alas-9:50 sang Miyerkules sang gab-i.
Ginkilala ang suspect nga si alias “Cris”, kasado, nga residente sang Purok Lubi, Barangay Banago, Bacolod City.
Sa inisyal nga impormasyon, gin-report ni alyas “Lenard”, lalaki, 32-anyos, altar server sang nasambit nga simbahan nga residente sang Purok Daisy sa nasambit nga brgy ang suspect matapos maaktuhan nga nagapag-utod sang mga wire sang simbahan.
Kasunod sini, nakuhaan naman sang suspected shabu si alyas “Cris” samtang nagapatigayon sang body search ang mga kapulisan.
Narecover sa iya ang ginabanta nagabug-at sang isa ka gramos sang ilegal nga druga nga may standard drug price nga P6,800.
