Ginpahayag sang summon officer sang Brgy Singcang Airport nga mahimo naigo sang propeller sang barko ang butanding nga nasapwan patay sa baybayon sang Prk 6 Magsungay, Brgy Singcang Airport, Bacolod City pasado alas-4:00 kaina sang kaagahon.
Suno kay Mario Dalida, sang buhi pa ang whale shark ang masami na nga nagakakita sang mga mangingisda malapit sa Bredco Port.
Pahayag sini nga sang nakita sang isa ka mangingisda nga nagakay-o sang pukot ang duguon nga butanding kaina sang kaagahon, gilayon niya ini nga ginreport.
Ang whale shark ang may may pilas malapit sa bibig kag hasang, samtang wala man pilas sa iya lawas gani ginalantaw nga mahimo ini ang naigo sang propeller sang barko.
Alas-9:00 kaina sang aga sa pagtsekyar sang Bombo News Team, wala pagid nagapanimaho ang patay nga sapat, nga nagakahulugan nga ini ang sang aga gid lamang napatay.
Suno kay Dalida, may nakasampay man sadto nga butanding sa lugar 20 ka tuig na ang nakaligad, apang mas dako ang nakita sa karun.
Ginatug-an na nila sa Bureau of Fisheries and Aquatic Resources (BFAR) ang pagkuha sa butanding bangod aminado ini nga magabahi ang isda kun pabay-an lamang sa dagat.
