Nanindugan si anay Department of Public Works and Highways (DPWH) Undersecretary Roberto Bernardo nga wala siya sang direkta nga komunikasyon kay former House Speaker Martin Romualdez angot sa isyu sang kickback sa mga public infrastructure project.
Ini ang ginpahayag ni Bernardo sa iya pagtestigo para sa bail petition sang presidential cousin sa Sandiganbayan Third Division.
Suno diri, indi kalakip si Romualdez sa mga proponent sang DPWH project nga nagplano nga makigkita sa iya para magpangayo sang kickback ukon SOP (‘standard operating procedures’).
Suno kay Bernardo, wala ini sang direkta nga ‘dealings’ kay Romualdez tuhoy sa cash delivery ukon kickback.
Wala man sini namensyonar si Romualdez sa iya mga judicial affidavit nga yara sa mga government prosecutors.
Nagapangatubang ang presidential cousin sang plunder case bangud sa bilyon-bilyon nga kickback allegations kag mga suhol naggikan sa mga kontrata nga ginpasulod sang gobyerno sa paghimo sang mga government infrastructure project.
