Isa ka tumalagsahon nga job listing offer ang gin-post sang isa ka startup nga kompaniya sa diin sila ang magabayad sang 20 dollars ukon masobra P1,200 para sa mga magserbe bilang dog walkers sa sulod lamang sang apat ka oras nga pagpalakat sa mga robot dogs.
Ang kompaniya sa San Francisco, California sa Estados Unidos, ang nag-post sa Facebook kag nagpahayag nga palakat-lakaton lamang ang mga ”computer-brained canines” sa public areas sa ciudad.
Santo sa listing, ang mga aplikante ang dapat komportable nga maghakwat sang kapin 14 kilograms nga robot pabalik sa address sang kompaniya kun ini ang ma shutdown na ukon naguba.
Suno sa founder sang kompanya, sila ang nagapangolekta pa sang mga datos agud mas makahibalo pa maghulag ang mga robot kag sa ulihi makahimo sang mga pisikal nga buluhaton nga wala na gina-kontrol kag indi na dependent sa tawo.
Ang mga robot dogs ang ginbakal sang kompaniya sa isa ka Chinese company sa balor nga 2,000 dollars ukon kapin P127,000 kada isa.
