Filipina Tennis star Alex Eala kag World No. 13 Diana Shnaider, liwat nga maga-atubangay sa quarterfinals sang Pan Pacific Open sa Japan

Liwat nga magakontrahanay si Alexandra “Alex” Eala kag ang world No. 13 nga si Diana Shnaider sa quarterfinals sang Pan Pacific Open sa Tokyo.

Matapos ma-ulihi sa una nga set, nagbawi si Eala kag ginlutos si Talia Gibson sa score nga 4-6, 6-2, 6-0.

Bangud sini, nag-abanse ang Filipina tennis star sa iya una nga quarterfinal appearance sa Asian swing.

Samtang, nasiguro naman ni Shnaider ang pwesto sa quarterfinals matapos mapierde si Aliaksandra Sasnovich sa score nga 6-3, 5-7, 6-3.

Nag-atubangay ang duha ka player sang nagligad nga semana sa second round sang Ningbo Open kun sa diin napierde si Eala batok kay Shnaider.